اخر كلامي بهديك سلامي وحبي وغرامي
وبقولك افتكرني بخير
واوعاك تنساني لو رحت ومرجعتش تاني
وان شوفتني في المنام بالليل
احكيلي مالك عرفني ايه جرالك
وخلي عيني تشوف عنيك وطمني عليك
اخر كلامي بنزف الامي
وبقولك يمكن دي تبقى النهاية ويمكن دا اخر الحكاية
يمكن اروح ولا ارجعشي يمكن تنادي ولا اسمعشي
يمكن اغيب سنين وايام يمكن نتقابل في الاحلام
يمكن ملامحي تتغير وامى تشوفني متعرفنيش
يمكن يكون عمري قصير واموت وانتا متزرنيش
ويمكن افارق دنيتك ويمكن اغيب
يمكن فراقنا يكون قدر وبعادنا يبقى نصيب
ويمكن منشفش بعضنا تاني
بس عمري ما هنساك وياريتك ما تنساني
اخر كلامي جي اقولك افتكرني
وان جت في يوم صورتي في خيالك يبقى زورني
وان شوفتني في المنام بالليل
يبقى قول في حقي كلمة و افتكرني بخير
اخر كلامي وفي الختام
بكتب ليك اجمل سلام
سلام يا نن عيني سلام يا عمري وسنيني
سلام يا اغلى الناس
سلام يا قلبي وفؤادي سلام يا عمري وميلادي
سلام يا اجمل احساس
سلام يا شوقي والحنين
سلام يا اغلى من الغاليين
سلام يا حلم كان نفسي يكون قدري ويبقى نصيبي
سلام يا حبيبي
/////////////////////////////////////////////////////////////////
بقلم /////// محمد صلاح
الخميس أغسطس 04, 2011 1:34 pm
