اهجريني ـــــــــــــــــــ اكسريني
بردوا هجيلك وهقولك خلاص سامحيني
وهدديني بالبعاد زودي فيكي العناد
هاجي وهبوس اديكي وهقولك اعذريني
منا اصلي حبيتك وعشئتك وهويتك
ونديت عليكي وقولتلك متسبينيش
دنا من غيرك مش هعرف اعيش
وبينتلك ضعفي وظهرتك خوفي
ورميت مشاعري بين اديكي وقولتلك شوفي
شوفي حبي ليكي أد ايه
شوفي ضعفي ليكي ازاي وليه
وعيشتك في دور مش دورك
زودت فيكي بجد غرورك
وعملت منك أميره وعشت خدامك
وكنت فاكر اني بحققلك أحلامك
واتاريني بزودلك اوهامك
نسيتي ان انا اللي كبرتك وانا اللي عليتك
وانا اللي وصلتك وانا اللي داديتك
وانا اللي كنت زمان هتموتي علشاني
علشان تحسي بعطفي وتحسي بحناني
وانك عملتي البدع علشان احس انا بيكي
ولما نديت عليك ولما اشتاتلك
وقولت اني بجد حقيقي بحنلك
رفعتي راسك فووووق وعليتي في الغرور
وقلت من حقها عيشها يا واد في الدور
دلعتك وداديتك وزعلتي وراضيتك
ورفعت من شأنك وعليتك
سكنتك في قصر الحب والاشواء
حسستك اني كل ساعة وكل دقيقة ليكي بشتاء
خليتك تتباهي انك من بين كل البنات اخترتك انتي وبس
ومن بين كل القلوب قلبي بيكي حس
وعملتك أميرة وسكنتك في قصر
ورفعت انا راية الهزيمة وانتي راية النصر
بس انتي متأكده ان الحقيقة غير كده
وان ضعفي اللي بان دا بس احساس
علشان ارفع من شأنك وقيمتك بين الناس
فمتضحكيش على نفسك وتعيشي في غرورك
دي اللعبة خلصت خلاص وانتهى دورك
وزي ما عليتك اديني نزلتك
وزي ما دلعتك اديني بهدلتك
فمتقليش لحد اني حبيتك
علشان ميقوللكيش اديني رميتك
واني من الاول عارف انتي مين
واحدة عايزة تعيش الدور لاكن هتعيشي على مين
وعلى اي حال شكرا على اللي شفته معاكي
منا خدت منك كتيرررررر وشبعت بهواكي
ومعلش بقى سامحيني الدور دا مش ليكي
لعبتي لعبة صح واتقلبت عليكي
واديكي رجعتي خسرانه واني اللي كسبان
ومتسالنيش ازاي ومع السلامة والى اللقاء في الدور الجااااي
/////////////////////////////////////////////////////////////////////
بقلم / ( مــــــحــــمـــــد صـــلاح )
الجمعة أغسطس 05, 2011 5:46 pm
