ارتحتي لما عرفتي ايه اللي جوايا
ارتحتي لما عرفتي ايه سبب همي وبكايا
ارتحتي لما عرفتي تبقى بالنسبالي ايه
ارتحتي لما فتحتك قلبي وقلتلك ايه اللي فيه
ارتحتي لما عرفتي اني حبيتك
ارتحتي لما قلتلك اني هويتك
عرفيني ارتحتي ولا جرالك ايه
قوليلي كان لزمة سؤالك ايه
منا كنت ساكت ومبتكلمش
كنت محسسك اني مبتالمش
كنت راضي اني اكون جمبك زي كل الناس
كان اهم حاجة عندي اني اشوفك وخلاص
وجيه بعد ما عرفتي بتقولي هبعد علشان تنساني.. هنساكي ازاي
في حد يقدر ينسى نص عمري الجاي
في حد ينسى ايامه
في حد ينسى احلامه
في حد ينسى الفرحة بكل معنيها
في حد ينسى الدنيا وفرحة اغانيها
في حد ينسى العمر والحلم والامل
في حد ينسى لحظة ميلادة اللي بسببها العمر اكتمل
ولو كان حبي ليكي هيكون سبب بعدك
مستعد اكرهك بس بشرط ... متبعديش
خليكي قريبة مني علشان اقدر اعيش
مع اني مش هقدر ولا عمري هفكر في كرهك
بس ممكن بكلامي احسسك اني خلاص مبقتش بحبك
علشان متبعديش
ممكن ارضى بسكوتي علشان مني متهربيش
ومتخافيش ولا عمري هنطق ولا هتكلم
ولا هحسسك ان انا بتالم
ويوم فرحك هكون اول الزوار وهغنيلك كمان وبصوتي
بس اوعديني تاني يوم تيجي لامي وتوسيها بعد موتي
بقلمي محمد صلاح
الخميس مارس 15, 2012 8:45 am
