مش بأيدي صدقيني

صدقيني يا ضي عيني مش بأدي اودعك
ولا كان في بالي اني اخدعك
ولا عمري يوم فكرت اخون
او حتى حبك يوم يهون
او حتى تقسى عليكي عيني
مش بأيدي صدقيني
مش بأيدي يا غالية اسيبك
واقول خلاص انا مش نصيبك
وابعد وامشي وانا عارف البعاد بيذل
واسيبك وسط احزانك ومن غير ضل
واموت حلم جوانا
واضيح شوقنا وهوانا
واسيب الدنيا تجرحنا
وتقتل فينا افراحنا
وتبعد حلم كان املي يعيش طول عمري وسنين
مش بأيدي صدقيني
قدر ونصيب وقسمتنا متكملش حكايتنا
ومنعش الحياة مع بعض
ويبعدنا يا غالية البعد
قدر ونصيب ودا المقسوم ندوق انا وانتي نار وهموم
واسيبك وانتي عيزاني واعيش بعدك بأحزاني .. ومتكلمش
وابين اني في بعادك مبتألمش
واخبي عليكي واداري دموع عيني ووجع حالي
واعيش بعدك كأن مفيش نار جوايا في بعدك
واضحك وامشي واتكلم واداري ان انا بتألم
واخبي دموعي في عيني
علشان في البعد تنسيني
علشان تعيشي بعد مني في الزمان
وتقابلي حد يوصلك بر الامان
مدام انا وانتي قسمتنا
متكملش حكايتنا
ومنعش الحياة مع بعض
ويبعدنا يا غالية البعد
يبقى اعذريني مدام هسيبك
وامشي واقول انا مش نصيبك
واداري دموعي في عيني
علشان في البعد تنسيني
ومش بأيدي صدقيني
بقلمي محمد صلاح