متستعجبش
سعات الجرح بيقوي ومبيضعفش
سعات البعد بيريح ومبيتعبش
سعات الضربة بتعلم ومبتموتش
متستعجبش
لما تشوفني في يوم من تاني قدرت اداري احزاني
واقول للهم ينساني .......... ومتالمش
متستعجبش
لما تشوفني في يوم بعدك بقيت فرحان
لما تشوفني في يوم بعدك بقيت انسان
لما تشوفني مش فاكر لياليك
لما تشوف غرام قلبي بياسى عليك
واما تشوفني على بعدك مبتندمش
متستعجبش
علمتني والفضل ليك ازاي اكون قادر
علمتني ازاي ابيع وازاي اغادر
من كتر جرحك فيا انا مبقتش بيتالم
مبقتش حاسس بالاهات مبقتش بتكلم
مبقتش بندم اني سبتك وعليك بقيت مبتندمش
متستعجبش
عودت قلبي على البعاد وازي يعيش بعديك
كنت تملي بتبعد عني لما بحتاج ليك
علمتني وكتر خيرك علمتني ازاي اعيش من غيرك
وازاي اعيش يعدك وانا
حاسس بالسعادة والهنا .... ومبتالمش
متستعجبش
قلبي قوي من كتر ما شاف غدر منك
حاسس قوي بفرحة بعد بعاده عنك
احساس طفل بفرحة عيد
حاسس كاني كنت ميت واتولدت من جديد
بعد ما ارتحت في غيابك بعد ما رحمني عذابك
بعدك ما قررت بعدك ...... زعليك بقيت مبتندمش
متستعجبش
قلبي خلاص بقى قوي مبقاش بيضعف ليك
من كتر جرحك فية قوووووي واتعود يعيش بعديك
واتعود على بعدك .... عرف ازاي يعيش بعدك ....وميتالمش
متستعجبش
///////////////////////////////////////////////////////////////////
بقلم ////// محمد صلاح
الخميس أغسطس 04, 2011 1:36 pm
