شوفتي بقى لما حاولتي تفرحي بقت الجياه ازاي
الفرح قرب ليكي اكتر والحزن راح مش جاي
والدمع هاجر للعيون مبقاش راجع تاني
والرمش قرب من الجفون مبقاش وحداني
والورد طرح ع الخدود وزين شكلها
والشمس بعدت عن عنيكي وجابت ضلها
والابتسامة فوق شفايفك غيرت صورتك
والفرح رجع من تاني يتكلم في سيرتك
ولمسة اديكي اتبدلت وبعد عنها الشقى
شوفتي بقى
لما نسيتي احزانك الفرح قلك ايه
قرب وقالك خدامك وتؤمريني بايه
وروى قلبك بالحنان وغير ملامحك
ونساكي حزنك اللي كان ونساكي جرحك
وعطر ورودك وزين خدودك
وجمع ما بينك وبينه باللقى
شوفتي بقى
لما الفرح جالك عيونك اتبسمت
والفرح بان عليها وقالت واتكلمت
قالت خلاص ........ معدش للاحزان مكان
قالت خلاص ........ الفرح رجع زي ما كان
قالت ياريت ........ متعوديش لاحزانك
قالت ياريت ........ ترويني بحنانك
قالت ياريت مترجعيش تاني للشقى
شوفتي بقى
///////////////////////////////////////
بقلم //// محمد صلاح
الخميس أغسطس 04, 2011 1:41 pm
