سامحني يا قلبي على المك واحزانك
سامحني يا قلبي على ظلمك وحرمانك
سامحني يا قلبي على جرحك
على حزنك وعدم فرحك
على دوعك على اهاتك
على خضوعك على سكاتك
وعلى مرارك من غلبي
سامحني يا قلبي
معلشبقى حظك كدا تعيش جمبي في مرار
وتعيش جريح في دنيتك وتبكي ليل نهار
ويكون نصيبك دمعتك
ويكون الحزن قسمتك
والفرح يبقى ماضي فات
وتعيش اسير للذكريات
وتقضي عمرك يوم جريح ويوم دبيح
ويوم في نار ويوم مرار
وكل ده ولا ذنبك ولا ذنبي
سامحني يا قلبي
لو كان بايدي كنت داديتك
ودلعتك وهنيتك
وعيشتك سنين عمرك فرحان سعيد
والحزن يبقى بالنسبالك شيئ بعيد
وتعيش حياتك كلها متعرفش الدموع
والهم يبقى بالنسبالك شيئ ممنوع
والفرح يبقى عنوانك
والغنوة الحلوة بمعانيها تبقى الحانك
ومكنتش شفت المرار من غلبي
سامحني يا قلبي
//////////////////////////////////////////////////////////////
بقلم //// محمد صلاح
الخميس أغسطس 04, 2011 2:04 pm
