وايه يعني

وايه يعني تفارقيني

تغيبي عني ولا تجيني

لا هضعف بعدك ولا اموت

ولا هبكي عليكي دمع يعيني

وايه يعني تروحي متجيش

اكيد في بعدك هقدر اعيش

حبك بقى ميلزمنيش

وبعدك مبقاش بيوجعني

وايه يعني

وايه يعني تغيبي وتروحي

اكيد بعدك هلاقي روحي

اكيد بعدك هعيش مرتاح

وانسى الاسى وانسى الجراح

وانسى قلبك اللي ياما زمان خدعني

وايه يعني

لا هبكي بعدك بالدموع

ولا بعدك هعيش موجوع

ولا هندم ع الفراق

ولا هيكون ليكي في قلبي لحظة اشتياق

وكفاية اني ارتحت من همك

ارتحت من حزنك ومن غمك

يبقى هندم ليه

وايه كان حلو منك هبكي عليه

دنا هفرح وهعلي صوتي واخلي كل الناس تسمعني

واقول ..... وايه يعني

خلاص مليت من حكياتك واوهامك

وندمت اني عشت معاكي اوقاتك وايامك

وندمت اني مشيت طريئك

سواء حبيبك او صديئك

قربك من البداية مكنش اختياري .... ولا اختيارك

وبعدك في النهاية كان قراري ...... او قرارك

المهم اني شيئ حقيقي فرحني

ولا اثر فيا ولا جرحني

يبقى هندم ليه

وايه كان حلو منك هبكي عليه

دنا هفرح وهعلي صوتي واخلي كل الناس تسمعني

واقول ..... وايه يعني

//////////////////////////////////////////////////

بقلم //// محمد صلاح