اتكلمي

اتكلمي

قولي عني اللي تقوليه

قولي خاين قولي غشاش قولي باع حبي ببلاش

قولي سبتك رغم حبك وجرحن قلبك ودوست عليه

قولي عني اللي تقوليه قولي نسيتك قولي رميتك

قولي ولا عمري عشئتك ولا حبيتك ولا حتى حبك حسيت بيه

قولي عني اللي تقوليه

قولي عني كان شيطان كان مريض وكان جبان

قولي قلبك كان شاريني بس قلبي انا اللي خان

قولي اني جرحت فيكي سببتلك دمع في عنيكي

وجرحت قلبك ودوست عليه

قولي عني اللي تقوليه

واتكلمي ..... اتكلمي وعلي صوتك قولي ان وجودي جمبك كان سبب حقيقي في موتك

قولي انك بعد مني حسيتي بطعم الحياه

قولي ساعت البعد عني ربك كتب ليكي النجاه

واتكلمي .... اتكلمي وعلي صوتك بالكلام

قولي انك لا شوفتي يوم حلو في وجودي ولا عرفتي ايه معنى الغرام

واحكي لكل الناس عني

قولي انك يا ما صنتيني بس الغدر كان مني

واتكلمي ..... حسسي كل الناس انك بتتالمي

عيشي في دور الضحية وسوئي صورتي

خلي كل الناس تت كلم في سيرتي

ومتخافيش لا هكدب كلامك ولا هقول انك مبتحسيش

هسيبك تحكي وتقولي كل اللي تعرفي تحكية

وتقولي عني اللي تقوليه

ويكفيني انك عارفة خقيقتك ايه

وعارفة اني لاخنتك ولا جرحتك ولا كسرت قلبك ولا دست عليه

واتكلمي

/////////////////////

بقلم //////// محمد صلاح