مالك ؟؟؟؟؟
ايه تاني غير حالك
مش كنا خلاص نوينا
نقتل الحزن بينا
ونهرب من ماضينا
وتنسي اللي جرالك
مالك ؟؟؟؟؟
نبرت كلامك اتغيرت
نظرة عنيكي ادهورت
وخدودك تاني اتاثرت
بالدمع اللي جالك
مالك ؟؟؟؟؟
شايف جوا في عيونك كلام
مش عارف ان كان حنين وغرام
ولا ان كان عتاب وملام
ولا ان كان كلام والسلام
ميحكيش اصلا على حالك
مالك ؟؟؟؟؟
مستكتره ليه على نفسك الفرحة
مستكتره ليه تتزيني وتزيني الفرحة
مستكتره ليه تروي ورود قلبك اللي كانت طارحه
قبل ما يجرى اللي جرالك
مالك ؟؟؟؟؟
ليه رجعتي تاني زي الاول
دا لسه ملحقش الفرح يطول
ويدوب الحزن كان قرب يتحول
رجع تاني شغل بالك
مالك ؟؟؟؟؟
//////////////////////////////////////////
بقلم / // محمد صلاح
الخميس أغسطس 04, 2011 1:29 pm
