حتضحك على مين بكلمتين
دنا يا ابني عارفك من سنين
كداب وجارح وعيزني اسامح
وعيزني اصدق دمعتين
حتضحك على مين
ال يعني ال بصعب عليك
بتشوفني بتدمع عنيك
وجي بتسأل مالي وعايز تطمن على حالي
بنسأل لية يهمك اوووي حالى علشان تطمن علية
احتجتلك وهجرتني
سلمتلك وكسرتني
ونديت عليك ما سمعتني
وسبتني ومشيت
كان كل همي في دنيتي
تبقى انت قدري وقسمتي
تبقى انت عشقي وفرحتي
ويكمل عمري بيك
وهبتلك عمري وحياتي
كنت انت أملي وذكرياتي
سببتلي جرحي وأهاتي
ورحت ما جيت
راجع تقولي كلمتين
راسم على خدك دمعتين
عيشلي فيها دور الحزين
حتضحك على مين
عايز تطمن على حالي وبتسأل مالي
هو انت فاكرني هموت بعدك لو غبت ليالي
دنا اعتبرتك شيئ ومات
حلم وهم وذكريات
ماضي عدى وماضي فات
وفي لحظة اتنسيت
واعتبرتك طير ولكن
بترسى في كل الأماكن
كنت لحظة في قلبي ساكن
وانتهى وقتك مشيت
حتضحك على مين بكلمتين
دنا يا ابني عارفك من سنين
كداب وجارح وعيزني اسامح
وعيزني اصدق دمعتين
حتضحك على مين بكلمتين
/////////////////////
بقلم / ( محمد صلاح )
الخميس أغسطس 04, 2011 2:10 pm
