ولحد امتى هتجرح فيا وتالمني
وتكسر فيا وتهدمني وتدعي عليا وكاني
مخادع وضحكت عليك كسرتك وغدرت بيك
وذليتك وهديتك وهجرتك ونسيتك
ولحد امتى هتفضل تسوء في صورتي
وتخلي كل الناس تتكلم في سيرتي
وتزيف في الحقايق وتحكي كلام يضايق
وكل يوم تكتب في كلام وتحسس كل الناس انك بتموت من الالام
وانك يا عيني عليك كنت في هوايا ضحية
وانا اللي غدرت بيك بعد ما أمنت ليا
وتعيش في دور الجريح والكل ييجي يواسيك
اللي يقولك اني بكرة هشوفلي يوم
واللي يولك ان خسارة فيا اي دمعة من عنيك
والكل يتكلم ويقولو كلام وخلاص
اللي يقولك اني مخادع واللي يقولك اني ما عنديش احساس
مع انك متاكد ان مش ديه الحقيقة
وعارف اني ولا خنتك ولا جرحتك ولا سبتك في ضيقة
فبلاش نتكلم ونقول مين ظالم ومين مظلوم
مين اللي ارتاح بعد البعد ومين اللي شال الهموم
ومين فينا اللي خان ومين ملهوش أمان
ومين فينا ما يستاهلش كلمة حبيب
وياريت نعتبر ان الحصل دا قسمة ونصيب
ولو نصيبي معاك هترجعلي وهرجعلك لو حتى بعد سنين
ومهما يطول بينا البعد ومهما نبقى مختلفين
ربك هيسبب الاسباب وهيرجعنا
وبعتاب او من غير عتاب هنلاقي لرجوعنا معنى
انما لو نصيبنا غير كدا يبقى نرضى بالنصيب
ومهما تتكلم ومهما تبعد ومهما تغيب
هتفضل لقلبي اغلى حبيب
وهفضل احبك
رغم ان بعدك
قسمة ونصيب
//////////////////////
بقلم / ( محمد صلاح )
الخميس أغسطس 04, 2011 2:10 pm
