بتهدديني ؟؟؟؟

بتهدديني

هو انتي فاكرة ان ببعادك هتكسريني

ولا فاكرة لما تغيبي يوم ولا يومين

هموت في بعدك ولا حتى هعيش حزين

ليه هو انتي فاكرة نفسك مين

دا اللي كانت أغلى منك لما بعدت

محزنتش عليها يومين

والبعاد مموتنيش

دا لو البعاد بيموت كنت مت من زمان ومشفتكيش

يمكن لما يجيبو سيرتك افتكرك بالخير

يمكن لما افكر فيكي اقول عليكي كلام جميل

انما احزن ولا اموت في بعدي عنك دا مستحيل

ايه يعني جيتي ومشيتي

كلها بكرة ولا بعده وتبقي اتنسيتي

وزي ما نست غيرك بردو هنساكي

ولا انتي الاولى ولا الاخير ولا انا دايب في هواكي

وزي ما قلتلك لو حاولتي تهدديني **** هتخسريني

منتي عارفة اني عندي كرامة

ويوم ما اعرف انك هتدوسي عليها هقولك مع السلامة

فمتهددنيش

ومتحسسنيش اني بعدك مش هعيش

مش كل يوم تعملي مشكلة وتغيبي يوم ويومين

ولا غيابك هيموتني ولا حتى هعيش حزين

دا اللي كانت أغلى منك لما بعدت

محزنتش عليها يومين

والبعاد مموتنيش

دا لو البعاد بيموت كنت مت من زمان ومشفتكيش

//////////////////////////
بقلم / ( محمد صلاح )