ميـــن فينـــا يحـــاسب ميـــــن
مين فينا يحاسب مين
مين فينا يعاتب مين
ومين فينا يسامح
ومين كلامه جارح
والعيب فينا على مين
ومين فينا يحاسب مين
خلاص ************
كل ده عدى وفات
وقت العتاب رحل ومات
مبقاش ما بينا إلا السكات
ولازم بقى نكون رضيين
ومين فينا يحاسب مين
زمان ************
كان ممكن كلامنا يفيد
كان لسه الجرح ما بينا جديد
كنا هنقبل اي عتاب
جيين بعد العمر ما فات
بعد حنان القلب ما مات
بنقول لسه ما بيا حساب
ومين فينا يحاسب مين
لفي ودوري يا سنين
وقولي العيب فينا على مين
مين اللي كان بيحب مين
مين اللي ساب التاني حزين
ومين فينا يحاسب مين
///////////////////////////
بقلم / ( محمد صلاح )
الخميس أغسطس 04, 2011 2:13 pm
