كبارية

كنت ماشي يوم في حالي ولقيت هناك كبارية

قولت ادخل لما اشوف حال اللي جوا اية

اول ما شفت شفت عالم كلها عايشة حرام في حرام

شرب ومعاصي وذنوب بيقولو اي كلام

عيشين حياتهم للذنوب والمتعة في الكبارية

نسيين يوم الحساب هيقولو لربنا اية

وشفت واحد كل همة المتعة والنسوان

وفي حضنة وحدة رخصية زية وجسمها عريان

عيشين حياتهم في الذنوب ونسيين الحقيقة

نسيين انهم ممكن يموتو في دقيقة

وتكون دي اخرتهم المتعة في الكبارية

يوم القيامة والحساب هيقولو لربنا اية

ودي واحدة بيعة نفسها لاي حد خسيس

بفلوس بتعرض جسمها علشان تمنها رخيص

فاكرة ان جمالها دي للعرض او للبيع

مش عارفة ان جمالها ممكن في ثانية يضيع

وممكن في ثانية تموت وتبقى جثة من غير صورة ولا صوت

المال والجمال هيفيدها تاني باية ويوم القيامة والحساب هتقول لربها اية

وشفت عالم تاني كتير بس اللسان مش راضي

ينطق ويتكلم ويقول كلام في الفاضي

من كتر افعالهم غميت عيني وبكيت

وصرخت بعلو الصوت قولت ياريتني ماجيت

وفضلت انادي واقول دا كلة اخرته اية

يوم القيامة والحساب هتقولو لربنا اية

اصحو وفوقو يا بشر كفياكو كدة ذنوب

دا يوم القيامة فيه حساب وكل شيئ مكتوب


/////////////////////

بقلم / ( محمد صلاح