من كتر قلقي عليك خايف لدموع عنيك تكتر من الاحزان
ويعيش الحزن فيك والدمع اللي في عنيك ينزل في كل مكان
ويسيب الحزن علامة وتموت الابتسامة
وورد الخدود يدبل ويتغير ويبان عليك الهموم والحزن ياصغير
وتموت فيك الافراح وتسلم للجراح
وتعدي الدنيا عليك وتمر متشفش فيها حاجة تسر
متشفش غير العذاب والمر والاخزان
والدمع اللي في عنيك ينزل في كل مكان
من كتر قلقي عليك بصرخ واقول كفياك
كفياك دمع العيون على ناس مش شرياك
كفياك وكفايا لحد كدة بقالك سنين بتنادي ومحدش سامعلك ندا
مستني اية تاني وعلى اية هتبكي عنيك
دي حبيبتك خدها غيرك وخلاص راحت عليك
وخلاص معدش شيئ هيفيد
واللي عشت ياقلبي ليها بعدت خلاص لبعيد
مستني اية تاني مستني لما تموت
ويضيع شبابك هدر على ناس في ثانية باعوك
ارحم بقى نفسك وارحمني وياك
انساها بقى دي خلاص مبقتش فكراك
دي عايشة في دنيا تانية كلها افراح
وانتي ياعيني عليك موراكش غير الجراح
عمال بتتالم وبتصرخ ومين سامعك
دي مجتش مرة يوم نشفت دمعك
من كتر قلقي عليك بكتب وانا مجروح
خايف لييجي اليوم والائيك ذليل مدبوح
ارحم بقى نفسك ياقلبي وانساها
دي مدام بعدت بعيد صعب تاني تلقاها
////////////////////////////////////////
بقلم / ( محمد صلاح )