متصدقنيش لما اقولك اني بعدك هقدر اعيش
واما اقولك انك بقيتي متلزمنيش
ومتصدقنيش لما اقولك اني دوست عليكي ورميتك
واسمعيني علشان انا والله بجد حبيتك
واعذريني وان كنت اسيت عليكي ياريت تسامحيني
وان كنت غلط فيكي أجي لحد واراضيكي
وان كان كلامي جرحك أجي واطيب جرحك
اجي واداوية بقلبي لو كان يرضيكي يا قلبي
وان كنتي حبيتي مني زعلانة وبعدتي عني
خلاص حئك عليا يا اغلى من عنيا
واديني بعتذر وبقدم اعتذار
والحكم ليكي في النهاية وباديكي القرار
لو قلتي انك سامحتيني تبقي بتحييني
ولو فارقتيني تبقي بتموتيني
دا لما غبتي يومين عدو عليا سنين
وعيوني بكت بعدك والدمع على الخدين
وصورتك جوا عيني مغبتش في لحظة عني
وصوتك بيناديني كأنه جزء مني
وبسمتك مفرقتنيش
معايا كل دقيقة وهي دي الحقيقة
ولو قلتك غير كدا متصدقنيش
متصدقنيش لما اقولك اني بعدك هقدر اعيش
واما اقولك انك بقيتي متلزمنيش
ومتصدقنيش لما اقولك اني دوست عليكي ورميتك
واسمعيني علشان انا والله بجد حبيتك
////////////////////////////////////////
بقلم / ( محمد صلاح )
الخميس أغسطس 04, 2011 2:27 pm
