***********بعد التحية والسلام *************
وبعد اجمل الكلام
اسمحيلي اسألك
فكراني ولا نسيتي
فاكرة قلبي واللي فية ولا خلاص راحت علية
فاكرة صوتي وفاكرة صورتي
ولا كرهتيني وكرهتي سيرتي
فاكرة لما كنتي بتقولي بصوتك وحشتني
ياااااااااااااااااااااااااااه كانت بتهزني
لو سالتك تاني عليها هتقوليها ولا هتنكريها
فاكرة وعدي ليكي لما قلتلك
******************************
وعد مني ووعدي ليك
لو عشت هعيش بحبك
وان موت هموت بحبك
وان طالي بعدك عليا
مش ممكن تنساك عنيا
حتى لو خلصت سنين العمر مش هنساك
هعيش بحبك واموت بهواك
**********************************
ومين فينا خان الوعد
مين فينا سبب بعدنا عن بعض
مين فينا راح في حضن غريب وارتاح
ومين فينا استغرب احضان الدنيا كلها
بعد حضنك ولسة عايش في الجراح
ومين فينا فارق بدون اسباب
مين فينا ساب التاني في عذاب
مين فينا باع احساس التاني ببلاش
مين فينا وهب حياتة للتاني ولغيرة معشهاش
ولسة عندي كلام كتير لاكن مش هيفيد
ورغم انك قريبة مني بس قلبك بعيد
////////////////////////////////////////////////
بقلمي الذي كان في قمة السعادة عندما امرته ان يكتب لكي
ولكن عندما قرأ ما كتب توقف عن الكتابة واعتذر
لانه لم يتعود على ان يكتب لكي بهذه الطريقة
/////////////////////////////////
بقلمي ( محمد صلاح )
الخميس أغسطس 04, 2011 2:37 pm
