مين كان يقول هييجي يوم واموت فداكي يا مصر
مين كان يقول ان شهادتي هتبقى سبب النصر
مين كان يما انك هتتباهي بموتي
وبعد ما اموت يما هتسمعي صوتي
وتقولي صوت الشهيد جي من بعيد
بيقول يما انا عريس والزفة في الجنة
وبكرة يما الفرح وانهرضا الحنة
وعروستي اهي يما فرحانة بطعم النصر
لبسالي فستان ابيض واسمها مصر
فرحت بيا يما لما نديت بالحق
طلبتني ليها عريس مقدرتش اقول لا
ودفعت مهرها يما من دمي
لمي احبابك وافرحي واتباهي يا امي
وقولي ابني عريس والزفة في الجنة
وبكرة يما الفرح وانهرضا الحنة
مين كان يقول يما ان احنا نعمل كدا
ندينا بعلو الصوت والكل سمع الندا
قلنا هنغير وربنا قدرنا
قدرنا في وقت قصير نحقق انتصارنا
وقولي لحبيبتي متخافيش
رغم اني مت بس مهنساكيش
وسمعيها صوتي ولو حتى من بعيد
وقوليها دا صوت الشهيد
\\\\\\\\\\\\\\\\\\\
بقلم / ( محمد صلاح )
الخميس أغسطس 04, 2011 2:38 pm
