***وحشتني***

وحشتني يا كل حاجة في عمري كانت بتحبني

وحشتني يا قلب من بين القلوب جا وحسني

وحشتني يا نجمة عالية في السما بتضمني ... وحشتني

وحشني صوتك .......... وحشني خوفك

وحشتني رقة كلمتك

وحشني قلبك ............ وحشني حضنك

وحشتني فرحة بسمتك

وحشتني كلمة ضمني ووحشتني

من يوم فرائك اسيت الايام عليا

من يوم فرائك كترت الدمعة في عنيا

من يوم فرائك مش لاقي حد يحسني .. وحشتني

مبقتش حاسس بالامان وانت بعيد

قلبي اللي كان فرحان خلاص مبقاش سعيد

قلبي اللي عاش جمبك سنين

نفسه يشوفك ولو يومين

نفسه تجيني ولو في حلمي تضمني .... وحشتني

وحشتني فيك حنيتك نبرة كلامك رقتك

ولون عنيك وبسمتك

ولؤاك من يوم ما سبتني .... وحشتني

ضاقت عليا دنيتي يا حبيبي في بعدك

حرمت عليا فرحتي وافرح بمين بعدك

ودموعي سالت ع الخدود مش عارف مين يداريها

واهاتي كترت والجراح بعدك ومين يداويها

وكل يوم قلبي عليك يسالني امتى تعود

مبقتش حاسس بالامان مبقاش حنان موجود

مبقاش غير الماضي اللي فات

وحجات ما بينا وذكريات

وصورتك وانت بتضمني........... وحشتني

////////////////////////////////////////////

بقلم ////// محمد صلاح