خايف عليكي يا غالية من كتر الدموع
من كتر الاهات والبكى المسموع
لتعيشي بجراحك وتنسي افراحك
وتعيشي عيشة ذليلة وترضي بالخضوع
خايف عليكي يا غالية من كتر الاهات
من كتر بكاكي ودموعك ع اللي فات
للفرح ينساكي والحزن يهواكي
ويضيع عمرك هدر في الدمع ليلاتي
خايف عليكي لدموعك تغير ملامحك
والفرح يهرب منك ويتبدل بجرحك
والعمر منك يتوه بين الدموع والنار
وتبقى عايشة حزينة وتبقى عايشة في مرار
والحزن جواكي يطول والفرح عنك يتحول
والدمع يسكن بين اديكي
خايف عليكي
خايف عليكي وبقولك لسة العمر قدامك
ولسة قدامك كتير ولسة الفرحة جيالك
ولسة عيونك الحلوة هتشوف ياما
هتشوف فرح وتشوف حنان وترسم على خدك اجمل ابتسامه
ولسة الدنيا هتضحكلك وتعوضك اللي فات
والحزن جواكي هيموت ويبقى ذكريات
والفرح يسكن جوا قلبك ويعيش فيكي
خايف عليكي
خايف عليكي لاكن عارف انك اد احزانك
ومهما العمر هيطول ما هتضغفي لزمانك
وانك قادرة تموتي حزنك وتتحدي
وان الحزن مجرد وقت اكيد هيعدي
وانك مهما الدنيا تصدك مهما تخونك وتقف ضدك
قلبك جامد وهيتحمل وهيمشي بيكي وهيكمل
لبر الامان لسنين الحنان
لدنيا جديدة هيكون الفرح عنوانها والحزن ملهوش فيها مكان
/////////////////////////////////////////////////////////////////////
بقلم / ////// محمد صلاح
الخميس أغسطس 04, 2011 1:28 pm
