مش قولتلك متبكيش ومتحزنيش
خليكي عالية في السما ومتضعفيش
ووعدتيني وقلتيلي انك فهمتيني
طب لية منفذتيش
لسة شايفك زي منتي بتبكي في الصورة
والحزن باين عليكي وعنيكي مكسورة
ولون خدودك بهت من كتر دمع العين
ولون عنيكي غاب معرفش راح على فين
ولسة الحزن ماليكي ومفرحتيش
وكل دا لية علشان كلب ميستاهلكيش
فضلتي جمبه سنة واتنين وتلاتة واربعة وزيادة
لاشوفتي يوم هنا ولا لحظة فيها سعادة
كل كلام الحب اللي قلهولك كان كلام وخلاص
وهوا في الحقيقة معندهوش احساس
وفي الاخر حقيقتة بانت
طلع شيطان مش انسان وفي لحظة خانك
واديكي ارتحتي من همه وراح لبعيد
عيشي بقى دنيتك بشكل جديد
وماتبكيش ومتحزتيش
خليكي عالية في السما ومتضعفيش
//////////////////////////////////////////
بقلم / ( محمد صلاح )
الخميس أغسطس 04, 2011 2:14 pm
