متبكيش ومتحزنيش
خليكي عالية في السما ومتضعفيش
ومتندميش على اللي ما صنكيش
واللي مقدرش حبك يبقى ميستاهلكيش
عيشي حياتك من جديد وانسي اللي فات
اعتبريه كان هم ورحل عنك ومات
ايدي شموع الفرح من تاني
علي صوتك ورددي اجمل اغاني
اروي ورود قلبك اللي دبلت من الحرمان
عيشي زمانك ومتقوليش راح الزمان
ومتسهريش تبكي على حد راح ومكنش شاريكي
دا اللي راح ميستهلش دمعه من عنيكي
ومتبكيش ومتحزنيش
خليكي عالية في السما ومتضعفيش
ومتندميش على اللي ما صنكيش
واللي مقدرش حبك يبقى ميستاهلكيش
اية يعني كلب وراح
اديكي ارتحتي من همه ومسبش اي جراح
كان قربه منك تعب يبقى البعاد راحة
عيشي بقى دنيتك وانتي مرتاحة
والابتسامه اللي غابت من سنين رجعيها
والدموع اللي نزلت على الخدين ودعيها
ومتبكيش ومتحزنيش
ومتندميش على اللي راح
خليه هوا اللي يندم وييجي يطلب السماح ** ومتسمحيش
//////////////////////////////
بقلم / ( محمد صلاح )
الخميس أغسطس 04, 2011 2:20 pm
